Quién ye Bart

Bart Simpson

Bartholomew "Bart" Jo Jo Simpson ye un personaxe ficticiu de la serie animada Los Simpson, y la so voz orixinal n'inglés ye de Nancy Cartwright. N'España ye dobláu por Sara Vivas.

Bart ye fíu de Homer y Marge, y hermanu de Lisa y Maggie. Tien 10 años, ye un mal estudiante y abondo bromista. El so nome ye un anagrama de "brat", que n'inglés significa "mocosu malcriáu". La so ideoloxía ye "yo nun lo fice, naide me vio, nun puen demostralo".

Bart ye decididamente el más rebelde de la serie. Ye un rapaz simpáticu y tamién mui piraván, que fai munches bromes col so amigu Milhouse. Estudia na escuela de Springfield, aunque nun-y va mui bien; ye más, quédase siempre en clase a escribir na pizarra lo que nun debe facer. Sigue los programas del so cómicu preferíu Krusty el payasu. Ye desobediente y fai tolo que-y pasa pola cabeza.

Taller de hip hop (noticies)

La Estaya de la Llingua d’Avilés entama 3 talleres infantiles de hip hop

La Estaya de la Llingua d’Avilés entama 3 talleres infantiles de hip hop que van facese nos centros socioculturales municipales de La Xungarosa / El barrio de La Luz, La Carriona y Versalles.

Los talleres infantiles de hip hop son pa neños y neñes de 6 a 10 años y el primeru va ser esti vienres 2 de febreru na biblioteca de La Xungarosa / El barrio de La Luz La Estaya de la Llingua entama estos tres talleres de hip hop pa neños y neñes de 6 a 10 años que lleven el títulu de Rimando n’asturianu y van facese nos centros socioculturales municipales de La Xungarosa / El barrio de La Luz, Versalles y La Carriona.

L’Asociación Cultural Mecigayusca va ser la encargada de dalos y los monitores sedrán Tori (voz principal y lletrista del grupu K-Nalón) y Delfo Valdés (voz melódica y miembru de la formación musical La Tarrancha)

Hai 15 places pa cada taller y tendrán una duración d’hora y media(de 17:30 a 19 hores). Los neños y les neñes que quieran apuntase tendrán de facelo nes biblioteques de cada centru sociocultural.

Los talleres van ser los díes que vienen darréu:

• Vienres 2 de febreru na Biblioteca de La Xungarosa/El barrio de La Luz
• Viernes 2 de marzu na Biblioteca de La Carriona
• Viernes 6 d’abril  na Biblioteca de Los Canapés

Un Padre Nuesu en Tierra Santa

Na parte alta del Monte de los Olivos y mui cerca del llugar de l'Ascensión, atópase'l covarón y Basílica onde según la tradición, Jesús enseñó a rezar el Padre Nuesu. El covarón ta protexiu a la solombra d'un monesteriu de Carmelites de clausura, fundáu en 1868 pola princesa de la Tour d'Auvergne.

Según una tradición bien antigua, Jesús y los sos apóstoles tuvieron repitíes vegaes nesti llugar.  Les parés del claustru tán cubiertes d'azulexos nos que se representa esta oración en más de 100 idiomes.

Lo sorprendente ye suplo dalgún asturianu afaya que nel azulexu númberu 92, el Padre Nuesu ta escritu en llingua asturiana.

El cuerpu, per dientro

Como ya sabéis, el nuesu cuerpu nun ye solo les partes que tan a la vista sinon que tenemos otres coses per dientro.
Nel siguiente cartel, vemos dalgunes...

Verbu SER

verbu SER

Los nomes de les partes del cuerpu

Vamos a entamar con unos dibuxinos de estos dos neños que nos enseñen los nomes de les partes del cuerpu. Enantes de que me lo pregunteis... sí, esto ye contenido que vamos a tener que demostrar que nos sabemos, y sí, puntúa na nota de la evaluación, asina que vamos a dir poco a poco deprendiendo estos nomes. Nun vos preocupéis, ye facilíno....

El nuesu colexu

El Colexu Nuestra Señora del Buen Consejo caracterízase por una educación basada en valores que conformen a les persones como ciudadanos llibres y responsables. La educación en valores favorez la formación integral de la persona emponiendo la so forma de ser y d'actuar.

Atendemos a la diversidá del nuesu alumnáu estableciendo midíes que dexen responder a les distintes capacidaes, motivaciones ya intereses según a les necesidaes educatives concretes del nuesu alumnáu.

Dende 2017 esti colexu ufierta a los escolinos clas de llingua asturiana en tolos cursos de Educación Primaria.

Con esti blog vamos a trabayar dellos aspeutos de la nuesa llingua y ta empobinau a meyorar la comprensión de los temas trataos na clas asina como ufiertar otros conteníos fuera del aula.

A toos, bienvenidos a la aventura.